Поддршката на извозот и надворешното трговско работење се теми на Меѓународно Сертифицираната Обука на Комората за Мал Бизнис и WIFI Institute Austria со работен наслов “The Global Crisis - a Chance for SMEs” Обуката е наменета за менаџери  и/или сопственици на Мали и Средни Претпријатија кои се или сакаат да станат извозно ориентирани.

Под покровителство на ЈИЕ Универзитетот - Институт за животна средина и здравје и Комората на Мали Бизниси на 05.06.2009 год во просториите на ЈИЕ Универзитетот се одржа работилница насловена како Енергетски ефикасни згради.

На работилницата беше претставен идејниот проект на Универзитетот со кое се прави обид да се воспостават ЕУ нормите на ефикасно користење на енергетските ресурси во функција на зачувување на животната средина. Исто така со свои трудови, иновации и решенија се претставија експерти и стручни лица на фирмите "Ековат", "Бетон", "Македонија проект', "Иб дизајн', "Космо', "Шешо инженеринг" и "Филбис".
Работилницата беше следена од студетнти на Универзитетот кои се на постдипломски студии од областа на животната средина и здравје.

Работилницата ја отвори и со неа раководеше професорот Муртезан Исмаили кој заклучи дека претставените трудови се на високо стручно ниво и самата работилница дава можност на непосредна комуникација со стопанските субјекти кои можат да понудат современи решенија и во оваа област кога користењето на енергетските ресурси и зачувување на животната средина се топ тема на современото живеење.

На 09.05.2009 година во хотел "Континентал" во Скопје се одржа годишното собрание на кое беа донесени одлуки и програмата за работа во тековната 2009 година.

На Собранието беа презентирани извршените активности согласно програмата за работа во минатата година како и финансиското работење. Заради зголемени активности кои се очекуваат во наредната година дури и на меѓународен план за членови на Управниот одбор беа предложени и прифатени Дипл.инж.Бехар Хаџихамза и Дипл.инж.Спиро Атанасоски.

Исто така беше предложен правилникот за работа на Управниот одбор како и правилникот за работа на Судот на честа кој се очекува да биде формиран во текот на наредната година. Присутните членови на собранието искажаа оптимизам дека Комората со досегашната работа и прифатеност од надлежните институции на државата како и активностите на меѓународен план се повеќе се наметнува како одговорен и достоен чинител во бизнис заедницата во земјата.