Catalyst Project

П О В И К за Хакатон
за одржливи економски, социјални, менаџмент и технички иновации
за одржлив развој на зелена економија

The Green IDEA
-------------------------------------------------------------

Комората за бизнис и претприемништво во соработка со проектот Catalyst oрганизира Хакатон за одржливи економски, социјални, менаџмент и технички иновации - "The Green IDEA" фокусиран на развивање иновативни решенија преку тимско работење на проект и решавање проблеми во дадените 5 области:

- Smart Green Skills
- Sustainable Energy in Agriculture
- Bio-economy production
- Green Energy Community
- Smart ESG Solutions

Тимовите ќе работат на вистински проблеми зададени од реални клиенти со поддршка на ментори во временска рамка која претставува предизвик за сите инволвирани учесници на хакатонот. Хакатонот ќе се реализира преку практични, колаборативни состаноци, каде учесниците ќе работат во тимови со тројца ментори (по еден за секој тим) во текот на два месеци.

Целта е да се создадат решенија за специфични предизвици во реална средина, истовремено економски ефикасни за да се планира нивно финансирање и реализација. Воедно ќе се постигне целта за градење вештини и компетенции на членовите на тимовите прилагодени на потребите на современиот пазар на труд за зелени вештини и компетенции.

Проектното решение ќе биде презентирано пред клиентите и финансиски организации кои ќе проценат за финансирање на инвестицијата која ќе придонесе за зголемена:
- одржливост
- примена на зелени и социјално одговорни практики
- соработка со заедницата со мерлив импакт
- продуктивност и профит
на компаниите/организациите.

ПРИЈАВУВАЊЕ НА ТИМОВИ
Пријавувањето на тим (од три до пет лица) се врши со полнување на формуларот на линкот >>> https://forms.gle/Ehq9C67oq5R6SQtF6

ПРИЈАВУВАЊЕ НА КОМПАНИИ / ОРГАНИЗАЦИИ
Пријавување на компании/организации (клиенти) кои ќе зададат проблеми за кои тимовите на хакатонот ќе предложат иновативни решенија се врши со пополнувње на формуларот на линкот >>> https://forms.gle/LwGgQiGkJQyR5MgcA
Компаниите/организациите при пријавувањето ќе понудат финансиска награда за членовите на тимот и менторот кои ќе работат на зададената задача. Компаниите можат да предложат најмногу два проблеми од дадените области за тимовите на хакатонот.

РОК ЗА ПРИЈАВУВАЊЕ
Краен рок за пријавување на тимовите и на компаниите/организациите е 26 Мај 2025 година.

Забелешка: Пријавувањето, документирањето на процесите, подготовка на резултатите и нивното презентирање на завршниот настан ќе се реализира на англиски јазик.

------------------------------------------------------------

MATCHING EVENT
29 Maj 2025, Скопје

Пријавените тимови, компании/организации ќе бидат поканети на 29 Мај 2025 на matching event во Скопје каде ќе се поврзат компатибилната понуда и побарувачка и ќе се претстават менторите на хакатонот.

На настанот ќе се реализира кратка обука за:
- Изработка на проектна задача со цел поддршка на компаниите /организациите да подготват детална и специфицирана проектна задача за проблемот на кој ќе работат тимовите
- Вештини на презентирање и јавен настап за поддршка на членовите на тимовите да ги презентираат решенијата

Претставниците од локалните заедници на настанот можат да ги претстават предизвиците со кои се соочуваат пред потенцијалните учесници на хакатонот, овозможувајќи им на тимовите и клиентите да изберат на кој предизвик во заедницата проектното решение би имало позитивен еколошки, енергетски и социјален импакт;

Финансиските и донаторски организации, Банките и инвеститори заинтересирани финансиски за поддржат реализација на конкретни проекти ќе бидат присутни на matching event и јавно ќе ја презентираат нивната програма за поддршка на зелена, циркуларна економија и одржлив развој и конкретни продукти со кои би ги финансирале проектните решенијата кои ќе се подготват со хакатонот.

-------------------------------------------------------------

ЗАДАЧИ ЗА КЛИЕНТИТЕ
Клиентите (компаниите/организациите) кои на matching event ќе успеат да се усогласат со капацитетите на тимовите за решавање на нивниот проблем во наредниот 1 месец ќе подготват проектна задача на која тимот ќе работи наредните 2 месеци. Менторите од хакатонот ќе ги советуваат клиентите во подготвка на проектната задача . Клиентите ќе обезбедат финансирање на работните часови на членовите на тимовите и менторите за подготовка на проектнта задача и проектното решение.

ЗАДАЧИ ЗА ТИМОВИТЕ
Тимовите во првиот месец после matching event ќе ги оформат конечните тимови потребни за решавање на проблемот зададен од клиентот. Решенијата треба да задоволат еколошки, совцијални, технички и организациски аспекти и тимовите треба да имаат членови со соодветно искуство и компетенции за справување со предизвикот за решавање на проблемот. Воедно членовите на тимовите треба да имаат желба за стекнување на нови вештини, тимски дух и страст за инжинеринг на технологија во продукти/услуги со економски, социјален и еколошки импакт за клиентот и во заедницата.
После формирањето на конечниот тим и добивањето на проектната задача тимовите во наредните два месеци со поддршка од менторите ќе работат на решавање на зададениот проблем.
На завршен настан проектните решенијата ќе се презентираат пред клиентите и финансиските организации/инвеститори.

-----------------------------------------------------------------

УЛОГА НА МЕНТОРИТЕ
Менторите во првиот месец ќе работат со клиентите на изработка на проектна задача и усогласување на капацитетите на тимовите за решавање на зададениот проблем од клиентот.
Менторите ќе работат со тимовите во текот на два месеци и ќе овозможат:
- стручна поддршка и насоки во процесот на осмислување и анализа на проектен концепт , со цел креирање одржливи и иновативни решенија
- редовни состаноци и активности за напредок на тимот
- поддршка, фидбек и насоки за практична примена на проектните решенија
- учество на финалниот настан и поддршка при презентацијата на резултатите
Менторите ќе работат во соработка со организацискиот тим на Комората и останатите ментори за координација и успешно реализирање на хакатонот.

УЛОГА НА ОРГАНИЗАТОРОТ
Организаторот на хакатонот ќе обезбеди:
- Matching на клиентите и тимовите
- Избор на ментори со соодветно професионално искуство и компетенции во областите потребни за дигитална и зелена транзиција на компаниите и заедниците.
- Работен тим од екперти и лидери на заедницата за поддршка на организациските активности на хакатонот
- Идентификување локални заедници кои се заинтересирани да учествуваат и да ги споделат специфичните предизвици во локалниот економски развој со кои се соочуваат или области каде социјалните, организациски и технолошките решенија би можеле да имаат значително влијание за граѓаните и компаниите;
- Континуирана координација меѓу активните учесници на хакатонот
- Менторство на клиентите и тимовите
- Поддршка за финансирање на трошоците во хакатонот од достапни институционални и донаторски програми за дигитална и зелена транзиција
- Обука на претставници на клиентите и тимовите за поддршка при реализација на нивните задачи во хакатонот
- Достапност и примена на современи дигитални алатки, апликации, AI технологија и методологија во тимовите за подготовка на проектните решенија
- Препознавање и наградување на извонредните проекти преку овозможување поддршка во усовршување на победничките идеи, поврзување со релевантни ресурси, потенцијални инвеститори или финансиска помош при имлементација на проектот

Контактирајте не за повеќе информации на следните контакти:

КОМОРА ЗА БИЗНИС И ПРЕТПРИЕМНИШТВО - мрежа за деловен успех
Business and Entrepreneurship Chamber - business success networking

Стопанска Комора на Мал Бизнис
бул.Јане Сандански 113
1000 Скопје

тел. (02) 244 8077, 070 223 686
info@sbch.org.mk
www.sbch.org.mk